ASNAR SAMFYLKINGARINNAR.

Eindreginn ásetningur ríkisstjórnarinnar í að viðurkenna ríkisábyrgð á icesave-skuldunum þrátt fyrir ábendingar um alvarlega annmarka og mikla óvissu.    Leikmenn horfa upp á misvísandi yfirlýsingar þingmanna um ágæti fyrirvara sem búið er að setja í samninginn.  Augljóst er að ríkistjórnarflokkarnir vilja ekki styggja viðsemjendur og í þeirri viðleitni er öllum aðfinnslum vísað á bug.  Til dæmis telja talsmenn ríkisstjórnarinnar 5% vexti ásættanlega en í samningstilboði kanadíska orkufyrirtækisins MAGMA til orkuveitunnar eru vextirnir aðeins 1,5%.  Ratljós samfylkingar er leynt og ljóst ESB og gangi það eftir munum við eflaust sjá marga liðsmenn hennar hreiðra um sig í regluverkinu í Brussel.  Afstaða vinstri grænna er hinsvegar illskiljanlegri.  Skoðanir formannsins á veturnóttum hafa algerlega koðnað niður, svo mjög að umskipting pólitískt skýrir ekki þá kúvendingu.   En sé það metnaðarmál vinstri grænna að vera asnar samfylkingarinnar er þeim að takast það bærilega.

LÁ  

Athugasemdir

[Sigurður Jón Hreinsson, 25.8.2009 kl. 21:58]

Já lýðnum er það ljóst að það að sýna ábyrgð með þessum hætti er hreint ábyrgðarleysi og jaðrar við landráð.

[lydur arnason (IP-tala skráð) 26.8.2009 kl. 01:56]

Sæll, SJH.  Lýðurinn kallar það ábyrgðarleysi og gáleysi vítavert að ábyrgjast skuld sem enginn veit hver er né verður.  Líf engrar ríkisstjórnar er þessa virði, ekki einu sinni líf þessarar.  LÁ