EIRÍKUR FINNUR SIG.

Hvernig getur 120 milljarða umleitan týnst í ráðuneyti og það vegna stjórnarskipta?  Þó einn ráðherra afsali sér lyklavöldum og annar taki við getur það eitt og sér varla afmáð allar skráningar?  Steingrímur sýnir  þó þá viðleitni að boða til fundar um málið.  Umboðsmaður japanana kveðst reyndar búinn að ítreka áhuga japananna en engar undirtektir fengið  sem bendir til misbrests í boðleiðum innan þessa lykilráðuneytis.  Það skyldi þó ekki vera að Steingrímur eigi sér óvildarmenn í eigin húsum?  Allavega er þetta mál allt hið furðulegasta.  Góðu fréttir dagsins eru hugsanlegt framboð Eiríks Finns Greipssonar á Flateyri til bæjarstjóra í Ísafjarðarbæ í komandi sveitastjórnarkosningum.  Eftir nokkurra ára veru í sama bæ og æ með myndavél á lofti hef ég gott tangarhald á þessum dásamlega manni.   Megi Eiríkur fara fram og hljóta dúndrandi kosningu, engu skiptir fyrir hvaða flokk.  Maður sem grætur þegar hann sturtar niður er í sérflokki.

LÁ   

Athugasemdir

[Þorður Sævar Jonsson (IP-tala skráð) 11.9.2009 kl. 04:08]

Lýður minn!---Þegar þú verður bæjarstjóri á Bolungarvík,  og Eiríkur Finnur á Isafirði,  þá munu fólksflutningar hefjast í stórum stíl til Vestfjarða.

[lydurarnason (IP-tala skráð) 11.9.2009 kl. 11:24]

Og þá leyfum við lausagöngu hunda og þú verður aftur Vagnstjóri....