SJÓNHVERFINGAR FJÁRMÁLAGEIRANS.

Þeirri list Jóna og Gunna að bæta eHF aftan við nöfn sín hefur heldur betur lífgað við féþúfur sem áður voru lífvana.   Fólk gengur berserksgang í peningamálum, lætur svo haminn falla og byrjar upp á nýtt.  Eigendur bankanna fundu ekki nýjar lánaveitur heldur lánuðu sama féð margsinnis.  Lántakendur, þ.e.a.s almenningur, borga til baka í eigin margfeldi þessa einu, sömu, margnota upphæð.   Minnir á kjúklingabóndann sem seldi 500 kjúklinga sem 500.000 með því að reka þá út að framanverðu, í hálfhring, inn að aftanverðu og aftur út að framan.  Lögmenn hafa þó lítinn áhuga á sjónhverfingum fjármálageirans.  Þeirra ær og kýr eru leki lánabóka og ærumeiðingar í bloggheimum.  Þessi úrkynjun samfélagsins breiðist hratt út, auknar gripdeildir er önnur birtingarmynd.   Á hverjum degi kikna svo heiðvirðir borgarar undan skuldabyrðinni og hætta að borga.  Skilaboðin eru líka öll á þann hátt að heiðarleiki sé bara fyrir fífl.  Ríkisstjórnin lætur þjóðina blæða efnahagslega og siðferðilega fyrir ranga forgangsröð og vetur að ganga í garð.  Ekki kæmi á óvart þó kveiktir yrðu nýjir bálkestir á Austurvelli í norðannepjunni.  

LÁ 

Athugasemdir

[Þorður Sævar Jonsson (IP-tala skráð) 12.9.2009 kl. 04:50]

Lýður minn!!----Mig sárnar einna mest,  að þurfa að borga stöðumælasektir fyrir apakettina.

[Níels A. Ársælsson., 12.9.2009 kl. 09:25]

Mér sýnist allt stefna í borgarastríð í haust.

Þá verður ekki barið á potta og pönnur.

Erlingur dómari hefur staðið sig frábærlega og náði að dæma þann fyrsta í gær en feldi niður refsingu þar sem kauði skilaði pelanum aftur til ÁTVR.

Þetta er það lengsta sem réttlætið hefur náð frá hruni og væntanlega mesta afrek dómskerfisins á þessu ári.

Erlingi verða veittar margar orður fyrir frábær störf í þágu samfélagsins og er ekki langt að bíða frétta frá Bessastöðum 

[lydurarnason (IP-tala skráð) 13.9.2009 kl. 01:05]

Spurning hvort við eigum að búa okkur undir hernað í vetur eða einfaldlega grafa margumtalaðan skurð frá Brú út í Búðardal og ýta frá landi.  Vestfirzka fríríkið, þess tími er kominn.

LÁ