ÁL EI MEIR!

Á næsta skref Íslands í orkumálum að vera ál eða eitthvað annað?  Sitt sýnist hverjum en í hringiðu kreppu og atvinnuleysis eru öll störf eftirsóknarverð.  Margir segja störf í áliðnaði of dýru verði keypt og illt fyrir íslendinga að beina nær öllum sínum orkuforða í mengandi stóriðju.  Að auki sé okkur ekki stætt á frekari spúun eiturgufa ætlum við okkur að taka þátt í alþjóðlegum forvörnum.  En hvað skal koma í staðinn?   Augljósast er að veiða meira, lagfæra úrelt og þjóðarfjandsamlegt fyrirkomulag fiskveiða á Íslandsmiðum og bjarga auðlindinni strax undan hamri lánadrottna úti í heimi.  Aukin veiði yrði ekki bara atvinnuskapandi á suðurnesjum heldur líka á Húsavík.   Þetta nefnir hinn geðþekki bæjarstjóri suðurnesjamanna ekki og þykir mér skrítið.   Útflutningur rafmagns og markaðssetning bíla sem ganga fyrir öðrum orkugjöfum en bensíni hljóta að vera áhugaverðir kostir þjóð sem býr yfir álíka auðlindum og við.  Svíar hafa sýnt áhuga á metangasi og vindorka er ónýtt á Íslandi enn sem komið er.  Sólarorka líka.  Einnig gæti ylrækt notið góðs af nánd við rafmagnið.  Stóriðjustefna Íslands hefur alltaf verið umdeild en nú er svo komið að hnötturinn setur okkur skorður.  Því fyrr sem við sættum okkur við það, því betra.  Tími álvera er liðinn.

LÁ

Athugasemdir

[Þorður Sævar Jonsson (IP-tala skráð) 13.10.2009 kl. 21:51]

Sammála þér.  Tími álvera er liðinn.  Við getum ekki leyft okkur þann flottræfilhátt, að gefa rafmagnið.  Hvert starf kostar nokkur hundruð miljónir.  Það er mín skoðun, að það hljóti að vera hægt að gera eitthyvað skynsamlegra fyrir peninginn sem fer í þetta.  Að sjálfsögðu á að efla ylræktina með sanngjörnu raforkuverði. Svo liggur það í augum uppi, að það á að auka þorskaflann, svo um munar.  Frá því að Hafrannsóknarstofan fór að ráðkast með aflaheimildir, hefur allt gengið til verri vegar. Það er marg sannað, að t.d. þorskurinn skortir fæðu.  Þessvegna nær hann ekki nægilegum þroska,  og viðbúið að hann komist í útrýmingarhættu innan tíðar.  Ef svo fer sem horfir.

 Þá er hérna frétt sem birtist á stöð tvö í kvöld.  Hjón tóku lán uppá 23 millur til húsakaupa, hjá Kaupþingi. Núna er lánið koimið yfir 60 millur. Bankinn tekur krónur eina komma tvær millur fyrir að senda rukkun, og ber fyrir sig, að þetta sé venjulegur lögfræðikostnaður. ---- Hvað er í gangi??

[Níels A. Ársælsson., 14.10.2009 kl. 01:48]

Árni litli hefur aldrei þolað slorlykt og því síður díft hendi í kallt vatn.

Gerpið hefur aldrei mígið í saltan sjó.

Þegar hann pissar þessi ræfill þá situr hann eins og kerling oná skálinni.

Og ég er viss um að hann gengur í G-streng.

[lydur arnason (IP-tala skráð) 14.10.2009 kl. 20:46]

Sælir, drengir.  Meira en milljón í lögfræðinginn segir auðvitað meira um rukkarann en skuldarann en karl sem situr á skálinni er auðvitað spurning um hreinlæti.

Kveðja, LÁ