BLESS, ÍSBJÖRG, VIÐ BORGUM ÞIG Í KYRRÞEY.

Komin er í lending í icesave.   Magalending en lending samt.  Eins og velflestum íslendingum finnst mér niðurstaðan vond og ósanngjörn en vona þetta verði þjóðinni áminning til framtíðar.  Vonandi standast þau orð valdhafanna að nú verði hægt að demba sér í endurreisnina á fullu.  Viðbrögð stjórnarandstæðinga eru að vonum en mikið eiga sumir ólært.   Ísbjörgin er eins og tónlistarhúsið, minnisvarði óhóflegrar efnishyggju sem auðmenn innleiddu og skildu svo munaðarlausa eftir þjóðinni til ættleiðingar.   Skuldaklafi icesave verður brátt íslenzku þjóðarinnar en karpið sem er litlu skárra, hættir þó.  Bless, Ísbjörg, við borgum þig í kyrrþey. 

LÁ   

Athugasemdir

[Þorður Sævar Jonsson (IP-tala skráð) 19.10.2009 kl. 05:49]

ER  NU  LOKIÐ ÆÐISGENGNASTA  POKERSPILI  ALLRA  TIMA ?

ALLT  lagt undir----og  TAPAÐ.

[lydur arnason (IP-tala skráð) 19.10.2009 kl. 16:47]

Doddi Koddi!   Samningurinn um icesave er samningur um óútfyllta ávísun og verði enginn hagvöxtur festir hann íslenzka þjóð í áratuga vaxtagreiðslufeni.    Upphaflega fjárhæðin, 700 milljarðar, verður marggreidd, bara þetta 6 ára tímabil án greiðslna verður jafn hátt höfuðstólnum.  Samningssnilld er seint talin okkur til tekna og eins víst að margir yfirgefi skútuna.

LÁ