TÍMINN ER BEZTI VINUR STJÓRNMÁLAMANNSINS.

Skuldaafskriftafrumvarp ríkisstjórnarinnar var hoggið í spað af Þór nokkrum Saari.  Sá hann mikla meinbugi á þessu plaggi og sagði innihaldið sprengju inn í íslenzkt samfélag.   Þetta væri fyrst og fremst frumvarp óreiðumanna og kúlulánenda.   Þjóðin vissi lítt um þetta innlegg stjórnarflokkanna en þegjandaleg afgreiðsla þess og breið samstaða vekur upp spurningar.  Degi er ljósara að hagsmunaspottar kippa harkalega í fjórflokkinn og liðinu í þeirri rotþró trúandi til alls.   Hinsvegar hefur Þór Saari litla ástæðu til að bera í þjóðina ósannleik.   Hvet sem flesta til að lesa frumvarpið sem er að mínum dómi ágætt lögfræðingafóður.   Tíminn mun leiða hið sanna í ljós en sá skrambi er einmitt bezti vinur stjórnmálamannsins.   Að minnsta kosti á Íslandi.

LÁ    

Athugasemdir

[Björn Hjálmarsson (IP-tala skráð) 27.10.2009 kl. 21:40]

Hér vantar tilfinnanlega hárbeitta skírskotun til Ríkisins eftir Platón.

[Þorður Sævar Jonsson (IP-tala skráð) 27.10.2009 kl. 22:49]

Þór Saai er eitthvað meira en bara einhver.

[lydur arnason (IP-tala skráð) 28.10.2009 kl. 03:04]

Sælir, vinir.  Platón lítur á "Ríkið" sem vernd þegna sinna en Platónar núsins á alþingi líta á ríkið sem vernd verndaranna, þ.e.a.s. þeirra sjálfra.  Þór Saari er þó ekki í þessum hópi.

LÁ