FISKUR Í STAÐINN FYRIR ÁLVER.

Aukin harka færist nú í deilu manna um álver.  Suðurnesjamenn og Þingeyingar sjá þessa stóriðju í hillingum og rökin þau sömu og gamla mannsins á Reyðarfirði:  Börnin mín eru ekki að koma í heimsókn heldur að flytja heim.  Þetta er mjög skiljanlegt viðhorf, trjábolir vill hafa greinar sínar innan seilingar.   En hvers vegna ljá stjórnmálamenn ekki máls á því að veiða meira.   Aukin veiði gæti fært fólki og byggðarlögum hellings tekjur strax og það án verulegs tilkostnaðar.   Stóriðja getur verið ágæt en meðan rifist er um hana upplagt að hleypa af stokkunum alvöru strandveiðum þar sem menn leigja kvóta og borga löndunarstöðunum t.d. fjórðung af hverju lönduðu kílói.  Með þessu skapast atvinna og sjávarþorpin nytu góðs af nálægðinni við auðlindina.   Enda kominn tími til.

LÁ

Athugasemdir

[Níels A. Ársælsson., 28.10.2009 kl. 08:42]

"En hvers vegna ljá stjórnmálamenn ekki máls á því að veiða meira.   Aukin veiði gæti fært fólki og byggðarlögum hellings tekjur strax og það án verulegs tilkostnaðar ?" 

Lýður, svarið við spurningu þinn er hérna;

http://kvotasvindl.blog.is/blog/kvotasvindl/video/7486/

Besta kvótakerfi í heimi hrynur ef við veiðum meira en þá munu ofsatrúarmennirnir standa berrasaðir.

[Sigurjón Þórðarson, 28.10.2009 kl. 09:14]

Þessi  nýtingastefna sem gengur út á að geyma fiskinn í sjónum er ekki að ganga upp - það ætti hver maður að sjá þar sem þorskaflinn er einungis þriðjungur af því sem hann var áður en hafist var hand við "uppbygginguna"

Í stað þess að það umdeildar forsendur kerfisins séu teknar til endurskoðunar þá heldur ruglið bara áfram s.s. að friða sýkta síld eins og fram kom í Mbl. í gær þá er engin lækning við einfrumungssýkinni og það er nú svo að fisksjúkd. eru mjög þéttleikaháðir koma upp þegar stofnar eru stórir og kreppir að í æti fyrir hvern og einn.

Í stað þess að veiða var tekin sú ákvörðun að friða með þeim afleiðingum að drjúgur hluti fisksins drapst hvort eð er og fór þá niður fyrir einhverja ákveðna tölu sem datt upp úr hatti Hafró þ.e. 300 þús tonn.  Ef stofninn fer yfir þessi 300 þús þá fyrst er hægt að gefa út veiðiheimildir, en það þarf ekki að taka það fram að sú tala byggir ekki á nokkurri líffræði.

[Þorður Sævar Jonsson (IP-tala skráð) 28.10.2009 kl. 13:02]

Þessi umræða er farin að minna mig á hvernig Cicero gamli lauk öllum sínum ræðum ;  "Auk þess legg ég til, að Kartþagó verði lögð í eyði".  Á endanum virkar þetta.

Ég tek heils hugar undir athugunarsemdir Nilla og Sigurjóns. Þá má nefna Kristinn Pétursson, sem hefur kynnt sé þessi má út í hörgul.

[lydur arnason (IP-tala skráð) 28.10.2009 kl. 20:20]

Sælir drengir.  Hef séð þessar myndir, Níels, óhugnanlegt áhugaleysi stjórnvalda á nýjum leiðum fyrr og nú.   Fiskivísindin eru langt í frá tæmandi og sitthvað sem menn segja.  En í ljósi aðstæðna fæ ég ekki séð að þjóðin hafi miklu að tapa að taka "sjénsinn".   Þórður er auðvitað vammlaus.

LÁ