AÐ SKÍTA PENINGUM Í SKIPTUM FYRIR MÁLFRELSI.

Vilhjálmur Bjarnason réðst einsamall á virkisveggi græðginnar með vitið að vopni.   Benti á þá augljósu mismunun sem fyrirgekkst meðal hluthafa og vildi jafnan hlut allra.  Þessi viðleitni hóf Vilhjálm upp úr forarpytti viðskiptalífsins og í eyrum almennings rödd hans,  rödd réttlætisins.  Hæstiréttur hnekkti í dag dómi hérðasdóms í máli Vilhjálms og telur forréttinda- og græðgissamninga eðlilega liggi fyrir samþykki hluthafa.   Með þessu leggur æðsta dómstig landsins blessun sína yfir svínaríið og tekur afstöðu gegn reisn og með lágkúru.   Annar fréttamoli dagsins er undanhlaup AGS varðandi tengsl endurskoðunarákvæðsins við icesave.   Forsvarsmaður segir norðurlöndin ekki hafa viljað lána Íslandi nema búið væri að koma icesave í höfn.  Norðurlöndin sögðust ekki vilja lána Íslandi nema AGS gæfi grænt ljós.  Og fórnarlömb icesave, bretar og hollendingar, sögðu íslendinga ekki gjaldgenga í evrópusamstarf nema greiða icesave.   Sannleiksástinni er ekki fyrir að fara og eins og vanalega einungis plastvöndur í boði.    Dæmigerð er svo brottvikning af LÍÚ-fundi, manns sem hýsti öndverðar skoðanir og kom að auki við kauninn á "klaninu" með skýrzlu sinni um fiskveiðistjórnunarkerfið í vor.  Í skýrzlunni var bent á kvótasetningu tegunda, ekki þó til verndar heldur endursölu eða leigu.  Af þessari brotalöm kvótakerfisins mátti auðvitað enginn vita fremur en öðrum.   Enn ræður vansastöngull stórútgerðarmanna hér lögum og lofum, formælir öllum úrbótum í eiginhagsmunaskyni og hundsar alla gagnrýni.  Stjórnmálamenn humma.  Hvað ætli margir íslendingar skíti peningum í skiptum fyrir málfrelsi?

LÁ

Athugasemdir

[Steingrímur Helgason, 31.10.2009 kl. 01:32]

Hér hefur ekki verið réttlátt dómzvald síðan alþing var haldið á Þingvöllum til forna.

Almenníngur hefur á því öngva trú, né heldur áztæðu til.  Pólitíkzt skipaðir minna verðugir í öllum stöðum, til að planta nú verndandi ramma utan um stjórnsýzluna heilögu, sem að ræður, alveg sama hvaða 63 einztaklíngar af mannfólki sé kozið í lýðræðizlegum kozníngum af fólkinu til þings & fyrir hvaða flokka.

[lydur arnason (IP-tala skráð) 31.10.2009 kl. 03:14]

Sammála þessu, Steingrímur, alþing hið forna var miklu nær lýðræðishugmyndinni en skrambinn sem nú ríkir.

LÁ

[Númi (IP-tala skráð) 31.10.2009 kl. 09:49]

Allt virðist stefna í sama forarpyttin og fyrr.Ofursjálfsöruggir embættismenn munu aftur komast að með vernd innmúraðra ofverndaðra spilltra embættismanna.Smákóngaveldið mun því miður aftur koma.

[lydur arnason (IP-tala skráð) 31.10.2009 kl. 15:42]

Númi, þessi greining er líkleg en nýtt fólk eða hreyfing gæti sett strik í reikninginn.  Hef trú á þeim straumum.  LÁ