ÓLÆKNANDI MEIN.

Þingkona samfylkingar í norðvesturkjördæmi skrapp á fund LÍÚ manna í fyrri viku og kvað þar hafa átt sér stað gagnleg skoðanaskipti.  Fulltrúa Hreyfingarinnar í endurskoðunarnefnd sjávarútvegs átti ekki sama láni að fagna og vísað út af sömu samkomu.    Hvað um að, þingkonan mætti hjá Agli í dag og reifaði auknar veiðar við Íslandsmið og áréttaði að þessum viðbótarheimildum yrði úthlutað í samræmi við núverandi legu aflaheimilda.   Ekki þurfti Grátkórinn að grenja yfir þessari yfirlýsingu þingkonunnar og lýðum að verða ljóst að eitt helsta stefnumál samfylkingar, títtnefnd firningarleið, er á leið í salt.   Svo virðist að skilaboð fyrir kosningar stökkbreytist eftir kosningar og útvatnist, eldmóðurinn til breytinga renni af fólki loksins þegar kastfærið gefst.   Heiti sem Eiríkur Örn Norðdahl gaf sinni fyrstu skáldsögu lýsir útkomunni vel en það var Hugsjónadrusla.  Hvers vegna fólk missir  máttinn við kosningu á þing er hulin ráðgáta en meinið er almennt,  bráðsmitandi og  ólæknandi.

LÁ  

Athugasemdir

[Sigurður Þórðarson, 2.11.2009 kl. 06:32]

Svo bregðast krosstré sem önnur tré.

Ólína er eini kvennkyns þingmaður Samfylkingarinnar í NV.

[Þorður Sævar Jonsson (IP-tala skráð) 2.11.2009 kl. 14:14]

Orð eru til als fyrst.  Þarf nokkuð að ræða það frekar  punktur

[lydur arnason (IP-tala skráð) 2.11.2009 kl. 15:23]

V9ið erum búin að hlusta á orðræður og grátkór saman eða til skiptis í mörg ár.  Athafnastjórnmál sjálfstæðisflokks drekktu þjóðinni og samræðustjórnmál samfylkingar horfa á hana sökkva.  Ömurleikinn sá að óhægt er að mynda stjórn nema annað þessara rekalda fylgi.

LÁ

[Sigurgeir Jónsson, 2.11.2009 kl. 21:15]

Sú meinsemd að allt fjármálakerfi landsins læknist sjálfkrafa ef nýtingarréttur til fiskveiða verði færður til Ríkisins hefur grafið um sig í sálarkyrnum manna af alslags toga, lækna sem annarra, en sjúkdómurinn er sýnu verstur ef hann grefur  um sig þar, því stórt einkenni á læknum hefur þótt að þeir skilji eðli peninga, jafnvel um of, og hafa yfirleitt ekki skilið að allt sé best komið hjá ríkinu, sem betur fer að margra áliti.En þeir sem fengið hafa þjóðnýtingarsjúkdóminn hafa yfirleitt unnið hjá ríkinu og svo verður áfram.En færustu læknar til að lækna þjóðnýtingarsjúkdóminn eru þeir læknar sem hafa búið í þjóðnýtingarþjóðfélögum og hafa séð þau veslast upp þar til þjóðnýtingar og ríkishugsjóninni hefur verið kastað.Nokkrir slíkir starfa hérlendis og geta þeir sem hafa sjúkdóminn leitað sér lækningar hjá þeim.Jafnt lærðir sem leikmenn.

[Sigurgeir Jónsson, 2.11.2009 kl. 21:23]

Það sem Kári Stefánsson gæti gert þarfast í genarannsóknum sínum, væri að finna þjóðnýtingargenið.Ef honum tekst að finna það eru honum Nóbelsverðlaunin næsta vís.Hann hlýtur að geta komist að samkomulagi við einhverja kollega sína í læknastétt, ef þeir bera einkenni gensins augljóslega með sér, að hann megi byrja á því að rannsaka þá.

[Sigurgeir Jónsson, 2.11.2009 kl. 21:26]

Að öllum líkindum er Kári byrjaður að leita.Og það hefur öllum verið ljóst að hann hefur það ekki.

[lydur arnason (IP-tala skráð) 3.11.2009 kl. 02:37]

Sæll, Sigurgeir.  Ekki veit til þess að þjóðnýtingargen séu sérlega í læknum en vissulega er stéttin að miklu leyti undir ríkiskrananum og þó nokkur kraftur á bununni.   Enda stéttin sæmilega bústin.  Skilningur á orðinu þjóðnýting gæti þó verið misjafn í mönnum, sovétútgáfunni hefur verið ágætlega lýst með kúnum tveim en að nýta eitthvað í þjóðarþágu eins og t.d. auðlindir þýðir ekki endilega ríkisrekna útgerð.  Reyndar held ég að fáum detti það til hugar og baráttufólk gegn núverandi tangarhaldi fiskveiðiréttinda þar með talið.

LÁ