GÓÐLÁTLEGT FÍFL.

Stóriðjan getur ekki lagt á sig auknar byrðar í formi skatta.  Útilokað.  Minnumst útgerðarinnar sem kiknaði undan 2% auðlindagjaldi, varð að leigja þorskkílóið á 80% af verðmæti aflans, veðsetja aflaheimildir á verði 15 ára innkomu og skipta um kennitölur til að halda í.  Sömuleiðis var 10% fjármagnstekjuskattur þrúgandi fyrir fjármagnseigendur sem áttu einskis annars úrkosti en bankahrun og skella skuldinni á Ísland.   Almenningur er og verður eina bakið sem aldrei kvartar.  Góðlátlegt fífl. 

LÁ

Athugasemdir

[Níels A. Ársælsson., 4.11.2009 kl. 08:42]

Hér máttu, sál mín, sanna,

svo gengur það til víst;

ástundan illvirkjanna

umhyggju vantar síst.

Árla þeir blundi bregða,

binda fast öll sín ráð,

klóklega hrekkjum hegða;

hver sem þess fengi gáð.

[Þorður Sævar Jónsson (IP-tala skráð) 4.11.2009 kl. 20:34]

Þegar Steinn Steinar blöskraði.  Þá orti hann:

Húsameistari ríkisins

tók handfylli sína af leir

og horfði dulráðum augum

á rizlur og kvarða.

 51x19+18 - 102,

þá útkomu læt é mig

raunar lítils varða.

Ef turninn erlóðréttur

hallast kórinn til hægri.

Mín hugmynd er sú,

að hver trappa sé annari lægri.

Húsameistari ríkisins

tók handfylli sína af leir

ogHallgrímur sálugi Pétursson

kom til hans og sagði:

Húsameistari ríkisins !

Ekki meir,  ekki meir !

[Þorður Sævar Jónsson (IP-tala skráð) 4.11.2009 kl. 20:58]

Það er hverjum manni þroskandi, að lesa bloggið hans kapt. Níelsar,  og umsagnir hans. Hann ber af hvað það varðar í bloggheimum.

Kv. Doddi

[Níels A. Ársælsson., 4.11.2009 kl. 21:27]

Takk fyrir Þórður minn þú hefur alltaf verið svo góður við mig frá fyrstu kynnum.

Þetta er glæsilega samið hjá Steini Steinar eins og allt sem frá honum kom. Takk kærlega fyrir að birta þetta.

Langar til að koma með eina hérna í viðbót eftir vin okkar Bólu Hjálmar sem hann kvað um sveitunga sína en hún á einmitt vel við grátkór LÍÚ og lýsir vel þankagangi þeirra þegar auðlyndargjaldið og fyrningarleiðina ber á góma.

Félagsbræður ei finnast þar

af frjálsum manngæðum lítið eiga

eru því flestir aumingjar

en illgjarnir sem betur mega.

[lydur arnason (IP-tala skráð) 5.11.2009 kl. 00:11]

Sælir, félagar.  Magnaður skáldskapur og skýr.   Vissi um aðmírálinn en ekki að Þórður væri kvæðamaður.  LÁ