PÉTUR BLÖNDAL & HANNES HAFSTEIN.

Nú munu hetjur hafsins, bæði á landi og sjó, láta sverfa til stáls.  Sjómannaafsláttur, gömul skattaundanþága, skal afnumin.  Forystumenn beggja samtaka voru beinskeyttir í norðangarranum,  sjómenn myndu aldrei sætta sig við skerðingu og útgerðin  þyldi ekki frekari álögur.   Dásamlega íslenzk afstaða og einkennandi.  Kannski saltið fari svona með okkur.  Þingmaðurinn, Pétur Blöndal, kom þó algerlega ósaltaður inn í notalega alþingisstofuna og kvað drauginn niður.   Nefndi kynjamisrétti og jöfnuð gagnvart landslögum, ágætt þema.  En þegar sjálfstæðismaður fer í stríð við hagsmunasamtök sjómanna, að ekki sé talað um landsjómanna, reka menn upp stór augu.  Það hefur ekki gerst síðan Hannes Hafstein skipaði þurrabúðarmönnum í Dýrafirði til stríðs við enzkan landhelgisbrjót á þar síðustu öld.  Og týndu þeir flestir lífi.

LÁ  

Athugasemdir

[Sigurgeir Jónsson, 28.11.2009 kl. 08:36]

Hirðinginn Pétur Blöndal hefur talað fyrir því að ekkert fé geti verið án hirðis.Stefna hirðingjans hefur orsakað það að sparisjóðir landsins eru gjaldþrota utan einn,sem hafði svo lítinn fjástofn að hirðingjunum þótti ekki ástæða til að hirða það.Ef hirðinginn væri sjálfum sér samkvæmur flytti hann tillögu um að dagpeningar yrðu aflagðir.Líka mætti skoða laun lækna sem starfa úti á landi eða skreppa þangað í einhverja daga.Það hlýtur að vera sanngjarnt að sjómenn sem fari til veiða á Halanum frá R.vík fái fjarvistartillegg eins og læknirinn sem skreppur til Flateyrar.Læknirinn er þó ekki við velting í störfum sínum.En læknirinn og hirðinginn eru samstíga.

[Sigurgeir Jónsson, 28.11.2009 kl. 08:42]

Hirðinginn þarf að upplýsa hvernig skattgreiðslum lækna er háttað vegna dagpeninga og annarra launa vegna fjarvista frá heimili.En kanski getur einhver læknir sparað hirðingjanum ómakið og upplýst þetta. 

[Sigurgeir Jónsson, 28.11.2009 kl. 08:44]

Hannes Hafstein var hvorki læknir né hirðingi.

[Lýður Árnason, 28.11.2009 kl. 09:01]

Læknirinn e  oft kúveltur í störfum sínum og sjóveiki í sjúkrabílum algeng.  Laun lækna úti á landi eru dágóð og kannski of há, veit hinsvegar ekkert um dagpeninga og aldrei þegið svoleiðis en líkast tími til kominn að endurskoða slíkar sporzlur, jafnvel afmá með öllu.  Hannes var hvorki hirðingi né læknir heldur glæsimenni. 

LÁ

[Helgi Kr. Sigmundsson, 29.11.2009 kl. 11:53]

Það tíðkast víða um heim að ákveðnir hópar samfélagsins eru taldir gegna veigamiklu hlutverki.  Hlutverki sem stundum kann að þykja lítt aðlaðandi vegna fjarvista frá fjölskyldu og heimili, hlutfallslega lágra launa og ekki má gleyma því að oft eru þetta störf sem fela í sér mun meiri hættu á fjörtjóni en almennt gerist og gengur.

Samfélagið metur þá mikilvægi þessara hlutverka (starfa) þannig að rétt sé að umbuna sérstaklega fyrir þær "fórnir" sem þeir verða að færa sem þessu sinna.  Það er oftast gert með skattaívilnun einhvers konar og/eða launauppbót.

Dæmi um svona hópa eru hermenn, íbúar hrjóstrugra svæða (N-Noregur) og íslenskir sjómenn.  Ég sé ekkert óeðlilegt við okkar fyrirkomulag um sjómannaafslátt og mér er það algjörlega ómögulegt að koma auga á þá nauðsyn að afnema hann við þessar aðstæður.

[lydurarnason (IP-tala skráð) 30.11.2009 kl. 03:07]

Sæll, Helgi.  Vandamálið er dilkadrátturinn:  Hverjir eiga skilið og hverjir ekki, nefni fálkaorðuna sem dæmi.  Viðleitnin á að vera sú að ALLIR LANDSMENN séu undir sama hatti hvað lög og reglur varðar og því finnst mér sjómannaafsláttur barns síns tíma.  Hinsvegar má spyrja sig hví liggur svo á að týna til smágrjót þegar velta þarf við hnullungum?

Kveðja, LÁ