FM 92,7

Niðurstaða loftslagsráðstefnu Kaupmannahafnarborgar er jarðarkringlunni í óhag, hagsmunaaðilar skammtímasjónarmiða langímasjónarmiðum yfirsterkari.  Niðurstaðan í raun gagnslítið málæði fært í þann búning að betur takist til næst.  Annað var uppi á teningnum á málfundi bæjarfulltrúa hins örsmáa útnára, Bolungarvíkur, sem haldinn var í dag á Lífæðinni, útvarpi svæðisins.  Ræddu menn um fjárhag og tengsl bæjarfulltrúa við atvinnulífið en síðan á tímum útgerðarrisans EKG hafa þau reyndar verið augljós.  Sjálfur tel ég illmögulegt annað en að slíkt skarist í jafn litlum bæjarfélögum en auðvitað skal virða að jöfnu þegar slíkt á sér stað.    En útvarpsefni var þetta gott og fádæma snerpa á köflum.   Sem staðfestir að þó margt hafi farið miður í þróun hinna dreifðu byggða á umliðnum árum er mannlífið bullkraumandi og spái ég uppúrsuðu, jafnvel fyrir jól.  Fer eftir útspilum útvarpsmannanna,  þeirra Þórðar og Hauks Vagnsbræðra.

LÁ

Athugasemdir

[Þorður Sævar Jonsson (IP-tala skráð) 19.12.2009 kl. 04:16]

Í framhjáhlaupi,  þá langar mig til þess að vita.----- ER það tilfellið, ef kosið verður um inngöngu í ESB í allmennri þjóðaratkvæðagreiðslu, er hún ekki bindandi fyrir Jóhönnu? Ég bara spyr?-----FM92,7 mun nýtast vel í baráttunni sem framundan er.

[lydurarnason (IP-tala skráð) 19.12.2009 kl. 08:45]

Sæll, Doddi Koddi.   Planið er, að mér skilst, að samtvinna atkvæðagreiðslu ESB kosningum og að niðurstaðan verði  bindandi.  Hinsvegar hafa bollaleggingar núverandi valdhafa um þjóðaratkvæði verið í anda þeirra fyrri að venjulegur skilningur fólks á fyrirbærinu nái ekki fram að ganga.  Á ég þar við einfaldan meirihluta og bindingu niðurstöðunnar. 

LÁ