ÖSSUR VEIT SÍNU VITI.

Vandræðaleg uppákoma á lokaspretti icesave er hvalreki fyrir spunameistara hvaðanæva.  Að Össur skuli ekki hafa vitað af þessum upplýsingum er ólíklegt enda hvers vegna ætti sendiherrann að leyna utanríkisráðherrann einhverju?  Miklu sennilegra er að Össur hafi leynt þingheim vitnezkjunni og skelli skuldinni nú á Svavar og lögmannsstofuna.   Einhverja afsökun verður að finna til að létta ámælinu af ráðherrannum.   Og Steingrímur kýs að trúa því sem hentugra þykir þó hann hafi efalítið vitað allt allan tímann.  Kannski Svavar taki þátt í fléttunni og beri klafann eða reyni að vippa honum yfir á lögmannsstofuna, kemur í ljós.  Svar Össurar að upplýsingarnar séu veigalitlar í heildarsamhenginu eru klénar miðað við það sem fyrir liggur.   Vona fleiri þingmenn sjái sjálfheldu málsins og hafni ríkisábyrgð.   Framhaldið verði svo utanþingsstjórn.

LÁ

Athugasemdir

[Ásthildur Cesil Þórðardóttir, 30.12.2009 kl. 13:58]

Sammála þér Lýður eins og svo oft áður.  http://www.asthildurcesil.blog.is/blog/asthildurcesil/entry/998071/

[Jón Ásgeir Bjarnason, 30.12.2009 kl. 14:27]

I say vei,  juhuu, nei.... eða hvað, ég man ekki.  Nei ekki ég.

Fer þessu fólki ekki að verða erfitt að líta í spegil.  Það man ekki hvern það er að horfa á.

Svona fer þegar maður þykist og spinnur of mikið af spunaleikjum. 

Vonandi að þessar upplýsingar verði til einhverrar gæfu svona á síðustu stundum þessa árs.  Túin forði íslendingum frá samþykki þessara spunalaga á önnur lög svona akkúrat nú.  2009 á það ekki skilið þrátt fyrir allt! 

[Jón Valur Jensson, 30.12.2009 kl. 14:40]

Já, mér þykir líklegt, að Össur hafi vitað þetta og þarna séu þeir að reyna að koma ráðherrunum undan sök – að Svavar taki að sér að "bera syndir heimsins" (var hann ekki kominn með þá Messíasarhugmynd?!), raunar með því að BRJÓTA SJÁLFUR AF SÉR með óhlýðni við vald hins háa Alþingis. Utanríkis- og fjármálaráðherra eiga að skipa honum sem undirmanni sínum (sendiherra og formanni samninganefndar) að mæta fyrir fjárlaganefnd og segja þar satt, ella liggja þeir báðir undir grun. Þrjózkist hann enn við, á að víkja honum úr embætti.

[Jón Valur Jensson, 30.12.2009 kl. 14:43]

Þetta er a.m.k. mitt álit.

[Gísli Ingvarsson, 30.12.2009 kl. 17:47]

Hvernig væri að íslenska alþingið lyki umræðum með atkvæðagreiðslu svona einu sinni upp á líf og dauða ríkisstjórnarinnar. Það er ekki nema von að talað sé fyrir utanþingsstjórn þegar alþingi virðist ekki geta höndlað "einfalt mál" einsog ríkisábyrgð.

Vandamálið er að í þingræði ræður þingið og því sitjum við uppi með þetta einsog það er.

Lýður vill greinilega helst lýðræði og lái ég honum það ekki. 

[lydur arnason (IP-tala skráð) 30.12.2009 kl. 18:10]

Sælir félagar.  Auðvitað er það frágangssök ef utanríkisráðherra er leyndur upplýsingum af undirmanni sínum.  Og líka ef utanríksráðherra heldur frá þingheimi gögnum sem eru ákvörðunarvaldandi.  Össur er því í stöðu aðklemmds þingdólgs.  Gísli sá í gegnum mig með lýðræðið, glöggskyggn maður þar á ferð.

Kveðja,  LÁ

[Sigurður Þórðarson, 31.12.2009 kl. 00:43]

Sæl ég var að koma úr frostinu niður á Austurvelli.

Mig langar að segja eitt við ykkur félagar. Það eru ótrúlega margir sem eru bæklaðir á tölvur og kunna eða treysta sér ekki til að skrá sig á vefinn hjá Indefence en vildu gjarnan gera það. Nú eru síðustu forvöð að hjálpa þessu fólki.