LANDSVIRKJUN TIL SÖLU!

Samkvæmt skýrzlu um Landsvirkjun gæti fyrirtækið orðið okkar næsta mjólkurkú.  Sem þýðir þá væntanlega að um leið og drífandi ríkisstjórn kemst til valda verður fyrirtækið selt á handstýrðum markaði  aðilum sem kunna að fara með gróða og eftirláta hræið síðan skattborgurunum.  Og auðvitað útborgunina.  Svo virðist að markaðurinn sé að taka við sér.

LÁ

Athugasemdir

[Dexter Morgan, 28.6.2011 kl. 23:44]

Ömurlegur "frétta"-flutningur í kvöld um einhvern "ímyndaðan" gróða m.v. einhverjar óhugsandi forsemdur.

[Ólafur Örn Jónsson, 29.6.2011 kl. 00:41]

Fáránleg stefna og sínir bara hve spilltir menn geta verið. Þegar menn setja sama sem merki á milli "frelsi einstaklings til athafna" og að einkavæða ríkisfyrirtæki.

Ríkið á að sjálfsögðu að búa til góðan grunn fyrir allan atvinnurekstur í landinu en það hefur ekkert með eignir ríkisins að gera og ætti aldrei að selja eignir ríkisins sem byggja á auðlindum landsins. Ríkisfyrirtæki eru fastein þjóðarinnar og eiga ekkert erindi í einkageirann. Að sjálsögðu verður að passa að ríkisfyrirtækjum sé stjórnað eins og öðrum fyrirtækjum og séu laus við "politísk tengsl og spillingu". 

Ef menn nú líta á Símann til dæmis. Ímyndum okkur hve gífurlegt tækifæri í þessari farsíma-netbyltingu liggur  ef ríkið ætti símann og gæti "átt" tengi netið hringinn í kringum landið og gert hér til tölulega ódýrt net samband um allt land og miðin. 

Síðan yrðu að sjálfsögðu símafyrirtæki sem fengju aðgang með sína þjónustu en ríkið ætti og við héldi grunn netinu og hagnaðist á því án samkeppni við símafyrirtækin heldur í þjónustu við þau. 

Það má aldrei ske að arðsemi orkunnar verði EINOKUÐ eins og skeði "óvart" með sjávarauðlindina. 

[Bensi (IP-tala skráð) 29.6.2011 kl. 06:33]

Þegar við erum komin í ESB, verður ríkið og einnig sveitarfélög að selja öll orkuvinnslu- og orkudreifingarfyrirtæki sem skv. reglum ESB og EES verða að vera einkavædd því þau starfa á því sem ESB kallar samkeppnismarkað. Við komumst sumsé ekki framhjá þessum reglum, enda erum við í raun búin að samþykkja það í EES-samningnum. Það verða örugglega ekki innlendir aðilar sem kaupa. LV ætlar líka að hækka verð á orkunni til samræmis við markaðsverð í Evrópu. Ekki hækkar fyrirtækið verð orkunnar til þeirra, sem þegar hafa samið um til 99 ára að fá orkuna fyrir nánast ekki neitt, því samningsákvæðin vernda þau fyrirtæki fyrir því að hægt sé að breyta verðunum, auk þess sem þau hafa forgangsrétt á kaupum á tilteknu magni orku á þessu sama verði til viðbótar (sjá samning við Alcoa-Reyðarál). Það verður því stórhækkun á orkuverði hér innanlands á næstunni. Orka á viðráðanlegu verði hefur verið eitt af því fáa, sem hefur gert Ísland byggilegt. Það er því aðeins eitt ráð, sem fólk á, það er að forða sér og það sem fyrst.