AUÐLINDAÁKVÆÐI TEKUR BREYTINGUM.

Auðlindaákvæði nýrrar stjórnarskrár tók veigamiklum breytingum í dag.  Stjórnlagaráð samþykkti bann við veðsetningu nýtingarréttar á auðlindum sem eru í þjóðareign.  Nær það líka til óbeinnar veðsetningar en tíðkast hefur að veðsetja aflaheimildir með að tengja þær við skip.  Tilgangur ákvæðisins er að koma í veg fyrir þetta.  Einnig var jafnræði skeytt inn í ákvæði um úthlutun nýtingarrétts auðlinda.   Var hvorutveggja samþykkt með yfirgnæfandi hluta atkvæða.

LÁ

Athugasemdir

[Gísli Ingvarsson, 20.7.2011 kl. 22:21]

Á nú að fara að banna manni að veðsetja það sem maður á ekki. Bannset ekkisens rugl er etta.

[Jón Steinar Ragnarsson, 20.7.2011 kl. 23:39]

Er þetta stjórnlagaráð ekki farið að taka sig full hátíðlega að vera farnir að akta sem lögjafi og semja almmenn lög, sem þeim koma ekki rassgat við.

Ég hef ekkert á móti því að þetta sé undirstrikað í lögum, en að setja þetta í stjórnarskrá eru hrein skrípalæti.  Haldið ykkur við grunnstoðirnar. 

Þetta blessaða ráð er að snúast upp í farsa, enda skipað af hópi sérlundaðra kverúlanta, sem er eins langt frá þversniði þessarar þjóðar og hugsast getur.

Blessaðir farið að hætta þessu andskotans rugli. Þetta verður aldrei samþykkt enda starfið þig á ansi hæpnum grunni.  

[lydurarnason (IP-tala skráð) 21.7.2011 kl. 00:39]

Þakka hvatninguna, drengir, þið eruð ágætir.

LÁ

[Jón Steinar Ragnarsson, 21.7.2011 kl. 10:53]

Ekkert að þakka. Bara virða það.

Það sem þið eruð að kokka þarna er í fullkominni óþökk við þjóðina en samkvæmt flokkslínu Samfylkingarinnar. Þú ættir kannski að verða þér út um flokksskírteini.

[Gunnar Heiðarsson, 21.7.2011 kl. 13:12]

Sæll Lýður.

Í 31. grein tillagna ykkar kemur fram að auðlindir megi aldrei veðsetja eða selja. Nú er það svo að sumir eiga jarðir með t.d. jarðhita og ýmist nýta hann sjálfir, til atvinnu, eða selja öðrum.

Er það rétt skilið hjá mér að ef eigendur þessara jarða selja þær, þá eignist ríkið auðlindina sem á henni eru?

Og ef þessi skilningur er réttu, hvernig fer það þá saman við 10. grein tillagna ykkar?

Þetta á einig við um námuréttindi.

Þá tiltakið þið náttúrugæði sem auðlind. Vissulega má það til sannsvegar færa en náttúrugæði er orð sem auðvelt er að toga og teygja. Ef slíkt orðalag er í stjórnarskrá er hætt við að dómstólar landsins fái nóg að gera næstu árin og áratugina.

[Heiðar Kristinsson (IP-tala skráð) 22.7.2011 kl. 17:19]

Hver á Ísland var einu sinni spurt af stjórnmálaforingja þá á vinnstri væng. Það hefur reynst heldur önugt að fá svar við því og greinilegt ef marka má athugasemdir hér að ofan að ekki ætlar að ganga greitt að snúa ofan af þeirri óavinnu aem viðgengist hefur. eins og Gísli Ingvarsson segir ,,á nú að fara að banna manni að veðsetja það sem maður á ekki"

[lydurarnason (IP-tala skráð) 23.7.2011 kl. 14:59]

Jón Steinar, held þú sért betur að þér í málefnum samfylkingarinnar en ég.   Nei, Gunnar Hreiðarsson, ákvæðið tiltekur að þetta gildir um auðlindir sem ekki eru í einkaeigu og nýtingarrétt þeirra.  Og, Heiðar Kristinsson, veðsetningarákvæðið er til að hindra aðkomu lánastofnanna að nýtingarréttindunum sjálfum og beina þeim að atvinnurekstrinum þar sem atvinnurekandi og lánmastofnun taki sameiginlega ábyrgð og áhættu. 

LÁ