BÁL OG BRANDUR

Sjálfstæðismenn trúa að án þeirra fari allt í bál og brand.  Einu sinni trúði ég því sjálfur.  Nú hafa þeir stjórnað svo lengi að þörfin fyrir nýja elda og vopnaglamur er knýjandi.   Áralöng stjórnarseta með ígræðslu sömu hagsmuna, dag eftir dag, viku eftir viku, mánuð eftir mánuð, ár eftir ár, hefur valdið stöðnun, ekki sízt í þeirra eigin röðum þar sem ósjálfstæðir sjálfstæðismenn éta humar og halda kjafti yfir svínaríi dauðans.   Þessi mannauður er harla illa nýttur og til að ýta við skepnunni væri bál og brandur himnasending.  Báknið, sem vildi báknið burt, þarf frí og þjóðin frá því. 

LÁ  

Athugasemdir

[Strúlla (IP-tala skráð) 1.5.2008 kl. 06:55]

Eg sé að við þurfum að fara að fá okkur einn kaptein saman!

[Sigurgeir Jónsson, 1.5.2008 kl. 12:54]

Áttu við Lýður að það vanti apabróðir í stjórnarráðið.Þú ert kanski á lausu eða einhver í Bolungarvík.Þetta getur ekki versnað það er rétt

[lýður árnason (IP-tala skráð) 1.5.2008 kl. 20:44]

Já, kapteinninn og þú væri dásemd.

[Steingrímur Helgason, 2.5.2008 kl. 00:50]

Kafteinn Reykjalín gæti verið á lausu líka...